Riportiamo alcuni versi di Pasquale Rombolà dedicati ad un luogo “magico” di Brattirò:
L’ORTU DU PREVITI
Quanti ricordi davanti a stu cancellu,
navota l’ortu du previti non era cusì
ma nu bellu giardinu circondatu di tanti canniti
chi limitava chi terri i saladinu.
‘Nceranu tanti arburi di frutti e scjiuri
e du grandi parmari chi ‘nta settimana santa
venianu spurgati e a palma divisa tra tutti i figghjioli,
‘ncera na grandi sala undi a sira a televisioni
tutti insiemi scherzandu e ridendu si guardava.
Non c’era jornu chi passava chi ‘nta l’ortu
o palluni non si jocava e quandu ‘ncunu jistimava
abbati Pascali s’arrabbiava e don Paulinu u curriava.
Oggi dopu tanti anni quandu trasu ‘nta l’ortu tornu figghjiolu
e penzandu a chiji mumenti spensierati e belli
chi mai pozzu scordari mi dumandu tra mia:
“Non era negghjiu quandu non c’era tutta sta tecnologia?”
Pasquale Rombolà “Cerza”
TROVATE UN NOSTRO PRECEDENTE POST SULL’ARGOMENTO CLICCANDO QUI
Commenti
comments
